Безумоўная зорка беларускай літаратуры і самы малады яе класік-Максім Багдановіч, такі блізкі і зразумелы. Яго паэзія - у адным шэрагу з творамі прызнаных беларускіх класікаў: Янкі Купалы, Якуба Коласа, Змітрака Бядулі і іншых. Але ўнікальнасць таленту Багдановіча ў тым, што за такі кароткі жыццёвы шлях 26-гадовы паэт паспеў прыўнесці ў айчынную паэзію новыя жанры: санет, трыалет, ронда і іншыя, ужо вядомыя еўрапейскім літаратурам. Яго вершы, даўно перакладзеныя на дзясяткі моў, пранізліва і тонка гучаць і ў нашы дні. "I тчэ, забыўшыся, рука заміж персідскага ўзору цвяток радзімы васілька" - знакамітыя радкі, якія сталі класікай і знаёмыя кожнаму школьніку.

9 снежня спаўняецца 130 гадоў з дня нараджэння іх аўтара. Да юбілею паэта на абанеменце цэнтральнай бібліятэкі разгарнулася выстава –знаёмства «Паэт красы і гармоніі». На выставе прадстаўлены зборнікі вершаў М. Багдановіча, матэрыялы пра творчасць паэта. На працягу дня бібліятэкары абанемента будуць знаёміць карыстальнікаў з вершамі  Максіма Багдановіча.

Ссылка на видео
https://vk.com/bibmstislavl?z=video590967137_456239046/9139d4bbbf1578f31c/pl_wall_590967137