Каля 350 спартсменаў з усіх рэгіёнаў краіны збяруць 25-27 лістапада ў Магілёве рэспубліканскія спаборніцтвы па лёгкай атлетыцы памяці заслужанага трэнера Беларусі Ф.Ф. Кулакоўскага. Аб гэтым карэспандэнту БЕЛТА паведаміў дырэктар абласнога цэнтра алімпійскага рэзерву па лёгкай атлетыцы і гульнявых відах спорту Дзмітрый Чыгір.

"Спаборніцтвы памяці Фёдара Кулакоўскага ў гэтым годзе адзначаць чарговы юбілей: яны пройдуць 15-ы раз, - адзначыў Дзмітрый Чыгір. - У іх праграму традыцыйна ўключаны наступныя віды спорту: бег, скачкі ў даўжыню і вышыню, штурханне ядра, кіданне дыска і молата, спартыўная хадзьба. Удзельнікі, юнакі і дзяўчаты, будуць падзелены на дзве ўзроставыя групы: U-18 і U-16, а ў хадзьбе яшчэ і U-14. Усе спаборніцтвы адбудуцца ў лёгкаатлетычным манежы СК "Алімпіец".

Пераможцаў і прызёраў спаборніцтваў узнагародзяць дыпломамі і медалямі.-0-