У Мсціславе на скрыжаванні вуліц Рэспубліканскай і Пралетарскай з'явіліся яркія паказальнікі на бардзюрных плітах у напрамку Пустынскага Свята-Успенскага мужчынскага манастыра.
Бардзюры ўпрыгожыла стрэлка з надпісам "Пустынкі". Яна дапаможа турыстам і паломнікам хутка зарыентавацца і паехаць у правільным кірунку да святыні.
Таксама работнікі раённага Дома рамёстваў падрыхтавалі эскіз надпісу "Мсціслаў старажытны", якая з'явіцца на плітах па вул.Энгельса. Дызайн яшчэ абмяркоўваецца, завяршэнне працы плануецца да 9 Мая.